Skip to main content

सपना र संघर्ष(कविता)

सपनाहरु 
कति भारि भए पनि 
कति मुस्किल भए पनि 
मान्छेलाई 
खै किन हो 
यति प्रिय लागेको 
यो सपना भन्ने चिज
जस्लाई पाउन  
भनौं साकार पार्न 
एकोहोरिएर,लट्ठिएर 
हजार दु:ख भोग्दै 
हजार पीडा झेल्दै 
पछि पछि लागिरहनु पर्ने 
जिन्दगीका पाइलाहरुले
सायद! 
सपना र संघर्षको नाता नै 
यस्तै कोरिएको हुन्छ क्यारे 
जिन्दगीको क्यानभाषमा।


हुन त  
देवकोटाले भने जस्तै 
साग र सिस्नु खाएर मात्र पनि 
दुखिया आदर्शको 
महान जीवन बाँच्न नसकिने रहेछ 
चल्न नसकिने रहेछ यो दुनियाँमा 
र त उड्नु पर्छ  
सपना बोकेर जिन्दहीहरु  
काठ्माण्डौंको माथि-माथि 
निलो आकाशको बाटो गरेर 
समुन्द्र पारिको गन्तब्यमा 
मनलाई गाँठो पार्दै...


सपनालाई
रङ्-बिरङ्का रङ्हरुले 
भरौं भन्दा-भन्दै 
बाकसमा बन्द भएर 
फर्कनु पर्छ जिन्दगीहरुले
आफ्नो बुढा-बुढि बुवा-आमा 
सासू-ससुरालाई 
एक्लै छाडेर 
पर परदेशमा 
कस्को हो कस्को बुवा-आमाको 
सेवा गर्नु पर्छ जिन्दगीहरुले 
यहि सपनाको लागि...


कास
स्वदेशमा पनि 
सपनाहरु 
फुल्ने-फल्ने ठाउँ भएको भए 
सपनाकै निम्ती जिम्दगीहरुले 
प्राण छाड्नु पर्ने थिएन होला 
परदेशि माटोमा 
रुनु पर्ने थिएन होला 
परदेशि माटोमा 
मन टुक्र्याउनु पर्ने थिएन होला 
परदेशि माटोमा 
सपना र संघर्षको 
कति मीठो मिलन हुने थियो होला 
आफ्नै माटोमा 
आफ्नै बाटोमा 
अनि मुस्कुराउँथे होलान
जिन्दगीहरु 
खुशि छर्दै-छर्दै 
अधर भरि-भरि.......

-कुङबा कान्छा 
# कविता लेखन कस्तो लाग्यो हजूरलाई? कृपया कमेन्ट गरिदिनु होला, सेयर गरिदिनु होला है! 
www.mukumlung.com

Comments

Post a Comment

Popular posts from this blog

"बेसहारा पाइलाहरु (कथा)

बिछ्यौनामा   कोल्टो   फर्कन्दै   बोल्छिन्   बोजू -" ए   बुढो   किन   नसुतेको   निन्द्   परेन   हो ?"  -" हैन   भोलि   त   नयाँ   बर्ष   हो   नि !  एक   नबजि   निदाउन   हुन्न   रे   नि   त   नत्र   २   साल्   निदाएको   हुन्छ   रे   त्यसैले " मन्द   आवाजमा   जवाफ   दिए  बाजेले। -" नयाँ   बर्षको   करणले   त   अवस्य   हैन   होला ?" रहस्य   जान्ने   कोशिस   गर्दै   बोलिन्   बोजू।   बोजूको   कुरो   सुनेर   पनि   बाजे   स्तब्ध   रहि   रहे।   बाजेको   त्यो   स्तब्धता   देखेर   फेरि   बोलिन्   बोजू -" मनमा   धेरै   पीर   लागेर   निद्   परेन   हो   बुडो ?"  बाजेले  " उँ "  भन्ने   छोटो   जवाफ   दिए।   एक   क्षण   दुबैमा   शून्यता   छायो।   केहि   क्षण   पश्चात   बाजे   अलि   भारि   आवाजमा   बोले -" बुडि   धेरै   पहिले   देखि   तिमीलाई   केहि   भन्न   खोज्दैछु   तर   सकि   रहेको   छैन।अब   त   भन्न   अबेर   हुनै   पनि   लागिसक्यो "  -" के   कुरो   ल   भन्नोस् "  चासो   दिँदै   बोलिन्   बोजू। -" बुडि   मैले   भोलि   बिहान  
10 comments
Read more

अदुवा बारिमा रमाउँदै

गजल चोट   नलाउने     कुनै ,  तरवार   हुँदैन   असफलता   नै   अन्तिम , हार   हुँदैन।   लडिन्छ , अनि   मात्र   सिकिन्छ   उठ्न बिना   संघर्ष , सपना , साकार   हुँदैन।   जीवन   छ , र   पो   सुख   र   दु : ख   पनि   छ डुङ्गा     नखियाइ ,  नदी   पार     हुँदैन।   रात   पछिको   दिन , अवस्य   आउने   छ सदैब ,  अन्धकारमय ,  संसार    हुँदैन। - कुङ्बा   कान्छा  
Post a Comment
Read more